رواية عائله من جهنم الحلقة الثانية عشر كاملة - بنوتة الشيخ

 رواية عائله من جهنم الحلقة الثانية عشر كاملة - بنوتة الشيخ
     رواية عائله من جهنم الحلقة الثانية عشر كاملة - بنوتة الشيخ
    رواية عائله من جهنم مازلت تسيطر على الترند الليبي وتشغل الجمهور الليبي بشكل خاص وعشان الكاتبه بنوتة الشيخ بشكل عام
    وبمجرد نشر الحلقه الثانية عشر قمنا بجلبها لكم ..

    قمر:حلو ...حلو قانون العيله 
    ح نمشي عليه قانون العيله وناخد مجد ووريني كيف توقف في طريقه قانون جدك 🔥
    ايه:كانت تشوفلهم من فوق وتبتسم...دراما زايده 
    هه...مراهقه لعبت بي مشاعر الحفيد الاكبر في العيله !
    خدت نفس...يالله فتره وتعدي ياغيث في النهايه رح نرتبلك وضعك ونسيك في كل شي
    قمر:سكتت شويه وبدت تهدا ....طلعت كلينكس من جيبها ..مسحت عيونها وخدت نفس 
    انسى كل شي قلته انا الايام الاخيره مش تمام وبديت نخرط هلبا في الكلام 
    غيث:انتي توا معصبه ...لما تهدي نحكى معاك
    قمر:معش نبي نسمع حتى صوتك ...اخطاني غيث 
    متهتمش بي اي شي يخصني ...سيباته وخشت 
    غيث:قعمز ع الدرج وقعد سارح لحضات ..ولما قام عيونه شاف ايه 
    ايه:ابتسمت ودارتله باااي من فوق
    غيث:خذي نفس عميق ورجع داخل حتى هوا
    _________________________
    سميه:شافت قمر خاشه من الباب...قمور بنتي خشي مع خواتك للمطبخ
    قمر:فاصله...منبي شي والحوش هاذا معش نبي نقعد فيه زي الشغاله خلاص فديت من اليوم قرايتي وبس غير هكى وربي معاد خادمه حاجه مهما نديرو نطلعو مننفعوش خلاااااص 
    سميه:😧😧
    جليله:بسم الله هاذي خيرها ...شنو تعيطي هكي منو تسحابي روحك
    قمر:انتي ضمي فمك خير ما نريشك يمين بالله ما نولي 
    جنى:قمر خيرك😰
    سميه:قمر عيب احترمي مرت عمك
    قمر:معاش بنحترم حد وطز فيهم كلهم من اليوم يلي ميبينيش يلزني من الحوش هاذا اصلا نراجي فيها اللزه بساعه والدقيقه 
    صالحه:واقفه وتعابير وجها تخوف...خيره صوتكم طالع ؟مني هاذي يلي مش محترمه الحوش وتلعلع؟
    جليله:تعالي يا عمتي شوفي بنت الشرقاويه 
    صالحه:شافت لي قمر يلي عيونها حمر من البكي ومتفجره مش قادره تتحكم في اعصابها ...شنو انتي؟تبيني انا نربيك وندير يلي مقدرتش اديره امك؟
    قمر:ربي كناينك يلي يخنبو في ذهبك وانتى زي النيه تهزي في راسك
    صالحه:وتي روحك تو نعرف كويس شنو نديرلك 
    قمر:قربت من صالحه وتحكي بهدوء....طز فيك وفي راجلك وفي حوشكم هاذا كله وفي كل واحد عايش في الحوش 
    سميه:قلبها بيطلع ومش قادره تسيطر على قمر 
    صالحه:واضح تبي تربايه من اول وجديد من اليوم انتي شوري 
    قمر:ابتسمت وعيونها حمر..تكلمت بصوت وااااطي 
    جربي اديري حاجه ورب العزه لما يلقوك غارقه في دمك
    صالحه:تحول وجها اصفررررر...اقلبي وجهك لغرفتك تحركي 
    قمر:نتلاقو !....سيبتها وركبت 
    سميه:تبلع في ريقها خايفه وجنى مصدومه من اختها يلي تحولت فجآه لي عدوانيه هكى !
    صالحه:معش بنقولك ربي بناتك انا يلي بنلهى بيها فرختك هاذي 
    جيهان:ساكته وتشوف لي امها بخوف 
    سميه:سيبتهم وركبت ورا قمر
    ___________________________
    نوسه:تبصرى؟كيف بياخد ايه؟؟
    حوريه:اوامر جدي 
    اسيله:او ميقاااد وانتي اماني؟مش ع اساس بتتزوجو بعد تخرجك
    اماني:مردتش 
    وفاء:مش معروف شنو بيصير متشوفيش فيها كيف منكده؟
    امينه:جديات صدمه كان انا منعرفش شنو صار فيا 
    اسيله:قامت قصتها...ومجد معنداش من ياخد توا ولا؟
    وفاء:وحده من بنات الشرقاويه وع الاغلب قمر لان من يوم مات بوهم وجابهم جدي بدي يعتبر فيهم زينا 
    نوسه:ريحي روحك اختي
    اسيله:قلبت وجها...ع فكره مكانش قصدي شي انا سألت بس😒
    امينه:افففف حاله اقسم بالله هما زي العتبه لما جو اكرام ماتت وبعدين خو جدي حتى هوا 
    كل شي تفركس 
    نوسه:مهضمتهمش صراحه 
    اسيله:نشوف فيها من بكري تتلصق ع مجد 
    حوريه:خلي انوض انا ندير كاسات الكاستارده نسهرو عليهم 
    نوسه:اي اليوم بنسهرو لصبح 
    اسيله:بنات ...شن رايكم نديرو جو عليهم اليوم 
    وفاء:من هما !؟
    اسيله:نكلمو وحده من بنات الشرقاويه تنزل تهدرز معانا ع اساس ونبهدلوها
    اماني:ياريت....نلقى حاجه نفش فيها غلي 
    وفاء:تحمست....قمر مستحيل تقدريها حربايه والصغيره زيها 
    امينه:خلوها عليا تو نعرف منو انزل

    سميه:فتحت باب الغرفه بهدوء وقعمزت جنب قمر يلي دافنه وجها في المخده وتبكي...ممكن نفهم شنو صاير؟
    قمر:ساكته 
    سمية : شنو لي قلبك وخلاك هكِ قليلة أدب؟ أنا مربيتكش هك ياقمر كيف اديري حاجة كيف هذي وتنزلي راسي قدامهم ؟؟
    قمر:قعمزت...انا نفسيتي تعبت معش قادره نتحمل شي خلاص 
    لو ما طلعتش من هنايا وربي لما نشنق روحي
    سمية : تهزب...كلناااا تعبانين مش بروحك هذا مش سبب يخليك أديري هك وتصرفي تصرف يقلل من أدب على جديدتك ومرات سيدك
    قمر:ماسكه راسها يوجع فيها من البكي 
    سميه:صاير شي انا منعرفاش؟
    قمر:هزت راسها بمعنى لا 
    سميه:ليش البكي هاذا كله؟
    قمر:استاحشت حوشنا 
    نبي نرجع نبي بابا يرجع حتى لو كان سيئ ..تعبت امي تعبتتت 
    سمية : خذت نفس وغيرت من طريقة كلامها ...بنيتي هذي فترة وتعدي بإذن الله ، نحنا ضروري نتخطوها
    قمر:هزت راسها...اي لازم نتخطوها مش ننذلو ونقعدو خدم ياماما 
    سمية : نحنا قاعدين هنا ناكلوا ونشربوا هذي اقل حاجه نديروا فيها
    قمر:مش بجميلهم...انتي عارفه كويس انهم باعو الحوش وباعو السياره ورغم انه حقنا مخديناش ولا فلس 
    سميه:سكتت
    قمر:وقفت...انا من اليوم بنتصرف كيف منبي ..انا مش تربايتك ماما اسفه
    جيهان تربايتك تسكت على حقها وكل شي بس انا لا منقدرش ...سيبتها وخشت للحمام 
    سميه:كانت من داخل عاجبتها قوة بنتها بس في نفس الوقت خايفه يصير شي وتنقلب عليها
    __________________________
    طق طق طق 
    جيهان:حطت تالفونها بعد ما كانت تحكى مع زيد ع الواتس وفتحت الباب ...
    استغربت لما شافت امينه!؟
    جيهان:اهلين 
    امينه:اهلين حبيبتي ...قتلك مدايرين جو انا والبنات لوطه ..شن رايك تجي تسهري معانا ؟
    جيهان:استغربت...انا؟
    امينه:اي انتي امالا منو 
    جيهان:ارتبكت ...مم مش عارف 
    امينه:هيا عاااد بلا جو نراجو فيك جوهم حلو نوسه واسيله تو تندمجي معاهم 
    جيهان:تمام حاضر شوي ونازله
    امينه:تمام🔥
    ___________________
    قمر:طلعت من الحمام وملقتش غير جنى مقعمزه ع السرير 
    جنى:وقفت اول ما شافت قمر...قمر انتي بخير😥
    قمر:هزت براسها ولبست المصليه
    جنى:نبي نفهم خيرك؟ليش عيونك هكي ؟
    قمر:جنى مش قادره نحكي في شي الصبح نهدرزو 
    جنى:به ع راحتك ...بس مسحتيلي كبدي فيها😂😂
    اقوا حاجه لما هددتيها بي القتل لونها بدي اصفر من ايموجي الايفون😂
    قمر:طلعت منها ضحكه عفويه ووقفت تصلي
    ______________________
    نوسه:هههههههه حاله 
    حوريه:جيهان الهي معانا ليش عيونك في التالفون 
    جيهان:سكرت فونها...اسفه نرد ع مسجات يوصلو فيا😅
    وفاء:منو سعيد الحظ هاذا 
    جيهان:لا والله حد مش ولد
    وفاء:اممممم 
    اسيله:المهم بنات...بابا امس طلع خذالي بيانو كبيررر عارفني نحب نعزف 
    وفاء:ياروحي كيووت❤️
    نوسه:اي بابا حصل خدمه جديده توا في الدوله رقوه الاسبوع يلي فات 
    امينه؛الف مبروك
    نوسه:يبارك في عمرك ...وعمي الهاشمي شنو صار فيه ؟
    اماني:حتى هوا حصل خدمه اقوا من قبل مش منقص علينا شي يلي نبوه نلقوه 
    اسيله:حلو حلو...وانتي جيهان؟
    جيهان:ارتبكت..اءء انا بابا متوفي 💔
    نوسه:ييييي نسيت اختي عبيطه متواخديهاش 
    جيهان:لاعادي 
    اسيله:هدرزيلنا على بوك ..شنو كان يخدم قبل؟
    جيهان:اذكرت لي بوها كيف كان 24ساعه دايخ سكران ..سرحت وخدتها الذكريات لبعيدددد
    امينه:غمزت لي نوسه وهيا تضحك
    حوريه وفاء اماني متشمتين 
    اسيله:الووو وين رحتي جيهان؟
    جيهان:قاعده..بابا مكانش يخدم 
    كان مريض وماما هيا يلي تصرف علينا 
    اسيله:مرض شنو ؟
    حوريه:دوخه دائمه😂
    وفاء:هههههه مبردك
    جيهان:فهمت انهم يلقحو على بوها سكران💔
    فوتتها عادي وع اساس انها مفهمتش قصدهم 
    رغم انهم تعودو يجرحوها💔
    ________________________
    قمر:زي العاده لافه نفسها بي بطانيه واللاب توب قدامها تتفرج
    وصلها مسج ...فتحت تالفونها وكان من غيث 
    غيث:شني امورك توا؟
    قمر:ردت عليه....خير من امورك 
    غيث:هديتي ؟
    قمر:اي 
    غيث:تقدري تجي نحكو كلمتين لوطه؟!
    قمر:غيث ...انسى كل شي صار اليوم ❤️
    من بكرا نرجعو زي قبل عادي وارقد بكري عشان ترفعني الجامعه زي العاده 
    ولما تشوفني رد بالك اذكرني بي اي شي صارلي اليوم خلاص انسى اعتبره حلم 
    غيث:تم
    قمر:شافت الرساله وتحكى داخلها 
    تم؟؟تم؟تو بالله هاذا رد؟؟؟تو في برود اكتر من هكي؟؟
    صبرني يالله بس قداش كنت عبيططططططه
    _____________________
    صالحه:تعلق في سورية الشامخ...قتلك ياحاج
    الشامخ:قعمز على السرير ويغطي في روحه يستعد لي النوم...ها
    صالحه:قعمزت جنبه....بنت الشرقاويه 
    الشامخ:اي وحده فيهم؟
    صالحه:قمر البنت التانيه فيهم
    الشامخ:السمحه؟
    صالحه:من راس خشمها...اي السمحه ياريت اخلاقها زي سماحة وجها 
    الشامخ:شنو يلي صاير؟
    صالحه:اليوم رفعت صوتها عليا وعلى مرت عمها وبكل حقاره هددتني بي القتل قدام امها 
    البنت مش متربيه نهااائي وتبيلها اعادة تربايه من اول وجديد انا خايفه تأثر على بنات العيله انت عارف كيف يهدرزو بنات العيله في بعض ويحبو التقليد 
    خايفه معش نقدروهم بعدين 
    الشامخ:امممم ....هيا في سن منو من شباب العيله؟
    صالحه:مجد او زيد
    الشامخ:بصوت واطي...اممم زيد مجد؟
    به به يسهل الله خليها توا 
    صالحه:ربي يعطيك الصحه ويدومك لينا يارب 
    الشامخ:طفى الضي راسي صدع اليوم 
    صالحه:حاضر ...وسكرت الضي 
    الشامخ:حط راسه ع المخده وهوا يفكر في زيد وقمر!

    امينه:بصوت واطي...شن صار؟؟
    حوريه:رقدت
    وفاء:شن بديرولها البنت؟
    نوسه:طلعت قلم كحل من شنطتها....اسكتو محدش يضحك بصوت عالي 
    اسيله:هياااا متحمسه😂😂
    نوسه:كانت يدها خفيفه هلبااا...رسمت لي جيهان بي الكحل زي شنابات باب الحاره 
    وفتحت شعرها دارتهولها بطريقه اضحك 
    اماني:واحلا سلفي هي 
    خذولها كم لقطه وقعدو مقعمزين يضحكو 
    حوريه:او ميقاااااد بنات شوفو 
    وفاء:شنو 
    حوريه:الحقيره تكلم في خوي زيد😧
    امينه:تبصررري ...هاتي تشوف 
    وكلهم حشو راسهم في التالفون وبدو يقرو في المحادثه 
    نوسه:خساره مش باعته صورها عريانه ..نحب الاكشن بي سلامتي 
    اسيله:هما في علاقه ولا كيف!
    حوريه:الباين لا قاعدين في البدايه 
    اماني:طلعت حيه من تحت التبن حتى هاذي 
    حوريه:لافه ع خوي صار !!تو تشوفي شنو ندير فيها بكرا 
    خليها هكي
    __________________________
    ثاني يوم⛅️
    قمر:لبست سوريه طويله شويه سوداء 
    مع سروال جينز ازرق سبيدرو وشنطه ووشاح رصاصي داكن ..ميكب خفيف وهادي بكل مع عطر شتوي وساعه فضيه❤️.....طلعت من الدار تلاقت مع غيث في الدروج
    قمر:ابتسمت...صباحو غيث
    غيث:مركز فيها ومستغرب...صباح النور 
    قمر:نزلت من الدروج سبقاته وهيا تنقز لين وصلت الطابق الارضي 
    خشت للمطبخ خذت قهوا وطلعت 
    جنى:عيونها منفخات من النوم..تو بالله مش عدل هاذا!!
    كلهم راقدين ونحنا نايضين من ال8علاش بس
    غيث:جنى بلا كسل هيا 
    جنى:لبست شنطتها وبدت تمشي بتعب لين وصلت السياره
    غيث:قعمز بيفطر
    قمر:مسكاته من يده....نوض نوض موض 
    غيث:وقف وهوا مش فاهم 
    قمر:تسحب فيه برا الحوش...وقت عليا المحاضره افطر في القهوا بعدين مش توا 
    غيث:كان متفاجآ من نشاط قمر الزايد وكيف تعامل فيه كأن الليله يلي فاتت مصار شي 
    قمر:قعمزت في السياره وطلعت مذكرتها تتصفح فيها 
    غيث:شن عندك اليوم؟
    قمر:عيونها في المذكره ...زوز محاضرات منبيش نفوتهم بنحضرهم الزوز 
    غيث:مليح
    جنى:متكيه على كرسي غيث وراقده 
    غيث:جنى صحصحي قريب نوصلو 
    جنى:وااك ياربي يقصفو المدرسه ونرتاح 😫
    غيث:درس السياره ...انزلي 
    جنى:نزلت بسيف سكرت الباب ولوحت الشنطه على ضهرها 
    غيث:تعالي هاك 
    جنى:خدت منه لقت ان الفلوس 15دينار...انت احسن واحد عندك علم؟
    غيث:اي عارف مشاء الله عيونك نفتحو وصحصحتي 
    جنى:😂😂باي
    غيث:سكر الروشن وطلع بسياره وهوا يبتسم 
    اما قمر مقامتش عيونها من المذكره وهيا تراجع في المحاضره 
    او بي معنى تاني تحاول تلهى فيها ومتقيمش عيونها في غيث 
    غيث:حسيتك مهتمه اليوم!...في العاده طول الطريق راقده لين توصلي ؟
    قمر:اي ...قررت نكمل قرايتي ونخدم نبدا مهندسه باش نفهم كيف نطيح القصر على روسكم😂
    غيث:ضحك...كويس طموح حلو 
    قمر:يس باش تعرف بسس
    ترن ترن ترن 
    قمر:الو 
    سماح:صباحو قمر...لقيتم رانه عليا ولا انا نتخايل؟
    قمر:اي ياقلبي خليك عند الباب قريب نوصل
    سماح:متفاجأه ...اوكى تم 
    قمر:سكرت الخط 
    غيث:يدور في مكان يدرس فيه...منو؟
    قمر:ع شني ؟
    غيث:يلي كنتي تكلمي فيه 
    قمر:فرخه سماح جارتكم
    غيث:سماح!...سكت شويه 
    قمر:طلعت ريحه من شنطتها وقعدت تبخ 
    غيث:متكثريش منها حرام 
    قمر:رجعتها لي الشنطه خذت مذكرتها وشدت خد غيث بيدها ...ياغزال انت احكم في مرتك ايوته 😂
    ونزلت وسكرت الباب 
    غيث:قعد يشوفلها بصدمه لين تباعدت عليه هيا وسماح 
    اتكى ع الكرسى ويشم في ريحتها يلي عبت السياره ويحكى داخله....تحاول تحرقيني بي اسلوبك هاذا 
    ونجحتي فيه ياقمر
    _______________________
    حوريه:هيا وراس وخوي هيا التلفزيون يلي في دار الضيوف مفهمتاش خيره ونبو نتفرجو ع مسلسل 
    زيد:يلبس في تيشرته...اي مسلسل ع الصبح 
    حوريه:مش صبح الساعه 12الضهر🙂
    زيد:افففف به...ونزل مع حوريه
    جيهان:تلم في شعرها...راحت عليا نومه من سهور امس 
    وفاء:شاده ضحكتها بسيف عشان جيهان متعلمش شنو راسمين على وجها 
    نوسه:هيا يابنات نطلعو نوتو الفطور جيهان حبيبتي بالله لمي حوسة النوم 
    جيهان:اوكي تمام 
    طلعو كلهم وقعدت جيهان تنضم في الدار على خشة زيد 
    جيهان:تلفتت صباح الخير😊
    زيد:عقد حواجبه وقرب منها 
    جيهان:تشوفله مش فاهمه 
    والبنات كلهم واقفين ورا الباب يتفرجو يستنو في زيد امتى يضحك عليها عشان يصيخو بضحك حتى هما 
    زيد:حط يده على خد جيهان ومسح شويه من الكحل ....منو دارلك هكي ؟
    جيهان:قربت على مراية الدولاب شبحت نفسها ونقهررررت عرفت انهم داروها مضحكه
    ولما نادوها عشان يتمسخرو وبس شافت لي زيد وعيونها دموع محكتش ولا كلمه ...سيباته وركبت لي دارها والعبره خانقتها وزيد واقف في مكانه
    خشو خواته الزوز ونوسه واسيله وخوات مجد الزوز يضحكو وفي منهم لين طاحو ع الارض من الضحك 
    حوريه:تضحك .....ههههههه وه بطني 
    تعال تعال شوف ....فتحت تالفونها وورتله صورت جيهان وشنو مدايرين فيها وهيا راقده 
    زيد:وجها كان مصدوم
    حوريه:شبه ابو شهاب ولا😂
    زيد:عطاها كفففف 
    لدرجة طاحت ع الارض واختفت ضحكات البنات 
    يشوفو لي زيد بصدمه وحوريه مش مصدقه يلي صار ؟؟
    زيد:مسك تالفون حوريه يخبط فيه وهوا يعيط...باش مره تاااااانيه اديرو الناس مضحكه وهاااا هااااا هاااااا باهي هكي ؟؟ولا نزيد نفترشه؟؟؟
    خش زيد في حاله هستريه وخذي منهم تالفوناتهم 6فترشهم تفتررررريش وهما مش قادرين يحكو حرف من الصدمه !!

    قمر:طول المحاضره تحاول تنتبه وتكتب في كل شبي يحكى فيه الدكتور 
    سماح:قمر هي بست 
    قمر:ها 
    سماح:من جابك؟
    قمر:عيونها في الدكتور ...ك العاده غيث منو بيجيبني يعني؟!
    سماح:اممم 
    قمر:سماح بنقولك 
    سماح:حطت البيرو....ها عيوني 
    قمر:عادي يخلوك اهلك تجيني للقصر؟؟
    سماح:الله 😧قصدك تت تقصدي ان تبيني نجيك 
    قمر:وطي صوتك فضحتينا ....اي نبيك تجي مره مره انتي فلته 
    سماح:اي اي عادي انتي قوليلي اي يوم بس نجيك
    قمر:اوكي تم 
    سماح:خذت نفس وسرحت
    _______________________
    نقلب الجو كله في القصر وخشت بعضها !
    البنات ال6 مقعمزين قدام جدهم 
    حوريه وفاء اماني امينه نوسه اسيل 
    وزيد مقعمز يشوفلهم بحقد 
    الشامخ:الكلام يلي قاله زيد صح؟؟؟جاوبي حوريه 
    حوريه:تبكي ....حنى كنا نبصرو بس ياجدي 
    الشامخ:البصاره انك تضحكي ع الناس وتصوريهم بي منضر زي هاذا؟؟؟تكلمي 
    حوريه:ترشح في دموعها...اسفه جدي مكانش قصدي معش تتكررر 
    الشامخ:اقلبو وجوهكم من قدام وجهي حسابي معاكم بعدين 
    ناضو ال6يرعشو من قدامه 
    الشامخ:وانت في الجديد معش تتصرف من راسك 
    زيد:قام عيونه في جده ...قاعد الحقد مالي قلبه 
    من لما ماتت اكرام 
    الشامخ:شاف كره كبيرررر في عيون زيد وفهم السبب شنو ...امتى ناوي ترجع الخدمه مع غيث؟
    زيد:ركب داره ومردش عليه ولا عبره
    ______________________
    طق طق طق 
    سميه:جيهان جيهان كنك طولتي 
    جيهان:تحت الدوش تحاول يبين صوتها طبيعي ...تو نطلع ماما حاضر 
    سميه:هيا بنتي عشان تساعديني في الغدي لوطه 
    جيهان:تمام 
    سميه:طلعت من الغرفه لبست وشاحها ونزلت
    _______________________
    غيث:كان مندمج في الخدمه يحسب ويكتب ومره مره ياخذ في راحه ...بس الراحه هاذي كانت جسديه بس 
    حتى وقت راحته موضوع قمر وايه ميريحش من باله!!
    طق طق طق 
    غيث:بتعصب ...قلت محددددش يقاطعني 
    قمر:فتحت الباب...انا جيت 
    غيث انتي شنو جيبك هنايا 
    قمر:جيت مع البنات ك.....
    غيث:شنو طلع اممممممك من الجامعه؟؟؟؟؟؟
    قمر:انت توا تبيني نقول الحق ولا نكدب عليك
    غيث:حط يده ع راسه....استغفر الله ع ها اليوم المغبر ...
    قمر:تبي الحق ولا شنو
    غيث:تكلممممممى 
    قمر:بلعت ريقها ....مليت المحاضره التانيه مجاش الدكتور 
    اتصلت بيك الف مره خارج التغطيه كلمة مجد مردش 
    وماما قالت استنى غيث 
    المهم لقيت البنات طالعين في افيكو 
    غيث:ياسلاااام قمر ركبت في افيكو؟
    قمر:اي تعرف جو
    غيث:ماسك اعصابه....وين مشيتو قمر؟
    قمر؛ولا مكان هما بيشرو حجات وانا معنديش فلوس خليتهم يحطوني هنايا وبس 
    غيث:انتي عارفه كان مزال عاودتيها شنو ندير فيك؟
    قمر:قعمزت ع الصالون واطلع في مذكرتها...اي بتقتلني وتفرمني وبلا بلا بلا مهم انا جعانه هيا كمل خدمتك نبي نروح 
    غيث:يشوفلها ويهز في رجله بقلة صبر
    _________________________
    طق طق طق 
    جيهان:اوكي ماما نازله 
    زيد:فتح الباب وخش 
    جيهان:زيد
    زيد:سكر الباب ....متضايقيش من يلي صار خديتلك حقك 
    جيهان:مش واجعني يلي داروه ...يلي واجعني علاش انا؟؟؟
    شن درتلهم باش يديرو فيا هكي !!؟
    شنو السبب انا في حالي ومضريتش حد 
    زيد:قعمز قدامها....حسد 
    جيهان:ضحكت بهزوه ودموعها ينزلو...والله؟علاش بيحسدوني؟
    زيد:ابتسم...لانك احلا منهم 
    جيهان:نزلت راسها 
    زيد:قام راسها بيده....انتي عارفه انك حلوه صح؟
    جيهان:خدودها حمر 
    زيد:حتى لو كانو الشنابات حقيقيات طالعه تهبلي ياابا ضاي 
    جيهان:طلعت منها ضحكه وسط دموعها 
    زيد:ايوا خليك هكي ❤️....قعد يمسحلها في دموعها 
    مفيش شي يستاهل زعلك ومن اليوم حد يضايقك انا كلميني ...تمام ؟
    جيهان:هزت براسها 
    زيد؛وقف....نستنى فيك 
    نبي نشوفك ع سفرة الغدي وتضحكيلي من بعيد مره مره 
    جيهان:تمسح في عيونها...حاضر 
    زيد:يالله نخليك
    _______________________
    غيث:يخدم 
    قمر:بدير عرس؟
    غيث:قام عيونه ...شاف قمر راقده ع طالوت الجلد وماسكه المذكره عيونها فيها ....في شنو يهمك العرس؟
    قمر:عندي قفطان بنلبسه 
    ضعفت بدي جسمي حلو يجي عليا بزبط 
    غيث:قمر معش تستفزيني 
    قمر:سكرت المذكره....وين الاستفزاز في الموضوع؟
    نراجي في عرس ولد عمي 
    غيث:سكر اللاب توب ....دوامي تم نوضي بنروحو 
    قمر:قعمزت تعدل في رقبتها ......اه اخيرا

    وفاء:كللللله منك امينه اهو قعدت بلا فون توا باهي هكي؟؟
    امينه:اسكتي انتي متزيدينيش مش ناقصه كلنا تالفوناتنا تفترشو 
    حوريه:نزلت ...شوفو كيف تقهر فينا 
    جيهان:قعمزت جنب امها ومتجنبه نضراتهم ليها 
    اسيله:بنموت ع تالفوني 
    نوسه:اففففف
    جنى:السلام عليكم 
    كلهم:وعليكم السلام 
    جنى:لوحت شنطتها وقربت من امها ....ماما حاسه روحي تاعب مسي حرارتي 
    كندر:يشوف من بعيد 
    سميه:شهقت ...ساخنه يابنت شن حاسه؟
    جنى:منعرفش ماما حاسه اني مش بخير
    قمر:قعمزت...امس دوشت وفتحت الروشن 
    سميه:صبي معاي فوق 
    جنى:ناضت مع امها والكندر بدي قلبه يرفع ويجيب 
    صالحه:نوضي دارك 
    قمر:تكلمي فيا ؟
    صالحه:اي 
    قمر:داري نمشيلها وقت ما نبي 
    خديجه وهدى وراضيه مصدرمين في قمر واسلوبها مع حناها 
    صالحه:من اليوم مفيش ماكله مع العيله لين تتأذبي 
    قمر:وقفت...درتي فيا خير ريحتيني من هلبا شكلات ...باي
    صالحه:تغلللي من داخل
    __________________________
    الساعه7المغرب:-
    غيث:واقف في الجنان يحكى ع الفون ويشرح لي بلقاسم(ولد يخدم معاه)
    قام عيونه بعفويه شاف قمر مقعمزه في الروشن وتقرا 
    غيث:ابتسم ...تمام نهدرزو بعدين
    ترن ترن ترن 
    قمر:فمها معبي شكلاته...شن تبي 
    غيث:الناس يقولو نعم 
    قمر:تاكل...نعم 
    غيث:شن مدايره من مصيبه مخليا صالحه مش راضيه بوجودك؟
    قمر:حناك تتوحم عليا ...ااه نسيت هيا كبيره ويابسه 
    مش عارف شن جايها عليا بزبط 
    غيث:ع اساس مش مطوله لسانك؟
    قمر:لا لكن!...وانت مااالك ها؟؟شن تبي 
    غيث:خشي من الروشن بلا عار واقري داخل 
    قمر:نزلت عيونها شبحاته....ع فكره ناكل في الشكلاته يلي جبتها قاعده مكملتش 
    غيث:سم
    قمر:نزلت من الروشن وتشوفله ....في المعكرش وحناك صالحه يارب 
    غيث:معش تدعي ع الناس ياكلبه 
    قمر:والله حتى قيام الليل بنصليه عشانكم راجي بس 
    غيث:سكر الخط وهوا يضحك ويشوفلها ....ركب لي داره
    ________________________
    ترن ترن ترن ترن 
    زيد:اياااه علينا نفس الرقم....ايوم 
    البنت:اهلين زيد
    زيد:اسمعيني وراس امي كان متقوليش شن تبي بنحطك في راسي وتشوفي شي مايعجبك سامعه
    البنت:انزل قدام الحوش تو تعرفني انا منو 
    بسرعه زيد الموضوع ضروري 
    زيد:لوطه؟😧
    البنت:اي هيا 
    زيد:سكر الخط ونزل
    طق طق طق 
    غيث:قمر؟!
    طق طق طق 
    غيث:ادخل 
    ايه:خشت وسكرت الباب ...كيفك غيث..
    تحميل رواية عائله من جهنم الحلقة الحادية عشر كاملة من هنا

    إرسال تعليق