رواية عائله من جهنم الحلقة الرابعة عشر كاملة - اروى طاهر المسلاتي

 رواية عائله من جهنم الحلقة الرابعة عشر كاملة - اروى طاهر المسلاتي
    رواية عائله من جهنم الحلقة الرابعة عشر كاملة - اروى طاهر المسلاتي
    قامت الكاتبة اروى طاهر المسلاتي او بنوتة الشيخ بنشر الجزء الرابع عشر من رواية عائله من جهنم , وبمجرد ان حصلنا علي هذا الجزء قمنا بجلبه لكم من خلال الروائي ..

    الشامخ:زي العاده بنتنا لي ولدنا 
    والمره هاذي وبدون اي نقاش زي كل مره ....اخترت زوز مناسبين لبعض 
    غيث:قلبه يدق وكلهم يستنو 
    الشامخ:زيد وقمر ....
    الهاشمي:ابتسم يازين ما خترت يابوي 
    العيله كلها:😨😨😨
    سكتو كلهم ودنيا هدوء لين طلع صوت عالي معترض
    غيث:بدون ما يتحكم في روحه...لاااااا 
    كلهم شافو لي غيث والشامخ انصدم من ردت فعله!
    غيث:ارتبك وبلع ريقه...اءء نقصد ان 
    ان مش وقته ياجدي في حجات اهم لازم نلهو بيها وانت عارف
    قمر:فهمت ان غيث مش قادر يتحمل فكرة انها تتزوج غيره ....شافت لي غيث وابتسمت بخبث 
    بمعنى فضحتك تحبني 😂
    الشامخ:حط يده فوق يده التانيه على عصاته ...لما ناخد قرار نكون متأكده ان في محله ووقته محدش يعلمنى 
    غيث:يبي يمنع الزواج بي اي طريقه...بس حالياحنى مش في باب عرس ابدا وانت عارف ها الشي 
    ع الاقل نبو 4شهور عشان نرتبو الاوضاع
    الشامخ:من يومنا قادرين نضمو كل شي في وقت قصير ومدام ايه رفضت الزواج ونحترم رايها لان مش من عيلتنا 
    جهز روحك لي عرسك مع خوك انت وامانى
    اماني:شاف لي امها ووفاء وابتسمت بفرح 
    بينما كلهم مصدومين 
    جيهان:عيونها معلقات في زيد وواضح ان نضرتها كسرة خاطر 
    اما مجد كان مصدوووم!...كيف قمر ياخدها اكتر شخص يكرها في الحوش ؟!
    غيث:خذي نفس بيتكلم بس جده قاطعه 
    الشامخ:بكرا تجيب عمال يوسعو جناح دار انت وزيد 
    زيد:طلقها ضحكه طووووويل وكلهم قاعدين في حالة صدمه من الخبر!
    الشامخ:شنو يازيد؟
    زيد:جو انتم وربي ...تقول تتكلم على حكاك مشروب تبي توزعهم 
    غيث:فنص في زيد وعلا صوته لان رد على جده بقلة ادب....زيددد
    زيد؛انت اسكت تمام؟؟...ورجع شاف لي جده 
    نعطيهولك من الاخر هكى!؟
    نبي جيهان 
    كلهم تلفتو لي جيهان بصدمه 
    سميه:جيهان؟؟؟😨😨
    جيهان:سخنت مع بعضها وبدي وجها احمرر
    زيد:اي نبيها ...مش حناخد غيرها ولا رح تزوجها لغيري بتريس هكي نجيك من الاخر 
    الشامخ:ساكت مصدوم
    غيث:زيد بلا كلام فارغ اعرف شنو تدوى 
    زيد:وقف ويحكي بي استهزاء....جدي 
    انا نبي جهان وحفيدك هاذا يلي واقف جنبك(يقصد ع غيث)
    ميت في حاجه اسمها قمر 
    قمر:حطت يدها على عيونها لما كلهم شبحولها 
    غيث:بي صوت غاااضب....زيدددد
    زيد:منيش ساكت اي 
    انا نبي جيهان وغيث يبي قمر نجيبلك كل شي ع الطاوله 
    كندر:وانا نبي اختهم الصغيره🙋🏻
    مجد:فنص في الكندر 
    كندر:اسف تحمست😅
    الشامخ:بصوت حااد...شنو يلي صاير من ورا ضهرى في ها الحوش ؟؟؟!
    بصوت عالي يخوف....كلام فاضي هاذا 
    تحبو وتتمعشقو من وراي زي المراهقين 
    زيد:ويامحلاها المراهقه 🔥🙂
    الشامخ:قام صبعه بتهديد...كان انت عيل متجبدش سيرة غيث وتحاول تقنعني انه زيك!
    زيد:ضحك...هههههه انا عيل؟
    تمام...قدم ووقف قدام غيث وشافله بتحدي 
    زيد:ناخذها تتحمل؟!
    غيث:يشوف لي جده 
    زيد:تتحمل تشوفها معاي؟!
    غيث:بعد من قدام وجهي خوي منبيش نغلط فيك قدامهم 
    زيد:بصوت هادي ومستفز...تتحمل انا وياها مع بعض؟!
    خدها يلي لمسته في السياره وهيا معاك انا نلمسه؟!
    جليله:شنو يدويله بشويه؟!
    راضيه:وين نعلم نهار اسود الدنيا بتنقلي 
    زيد:تضحكلي انا بدلك!...انا وياها ع نفس السرير !
    م.....
    غيث:دف زيد بقوه وعيط عليه ....ززززززززيد 😡
    زيد:ضحك وشاف لي جده....ريت بعيونك؟؟
    ضرب مرتين على قلبه ...الحب واعر يا حاج واعر 
    شاف لي باقي العيله نساوين عمه وبنات العيله كلهم وعمامه يلي زي العاده كأنهم رجل كرسي !
    زيد:قام يديه وهوا مبتسم...وقدام العيله اهو نتكلم بوقاحه عاليه ...بناخدها جيهان 
    ولو ينقلب القصر نار حمراء🔥
    الشامخ:اطلع ....بصوت اعلى...اطلللللللع معش نبي نشوفك هنايا 
    زيد:خذي مفاتيحه ع الطاوله...طالع ولينا لقاء ❤️
    شاف لي جييهان وخبط مرتين ع قلبه في الجديد
    وابتسم...لان الحب واعر راجعلك 🔥
    طلع زيد وسط صدمة العيله وعياط جده عليه وصدمة عمامه كلهم ...بس طلع وهوا يضحك وفرحان بي الشي يلي داره 
    بعد ماشاف نضرة الفخر في عيون جيهان ❤️
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    الشامخ:قعمز ع الجلسه وهوا سارح 
    كلهم ساكتين محدش نطق بي حرف يستنو في ردة فعله 
    الهاشمي(اب غيث):اشرله بعيونه بمعنى كلم جدك 
    غيث:خذي نفس ...جدي
    الشامخ:وقف...تعال وراي 
    ومشي لجيهة المكتب 
    غيث:لحق جده بدون ما يتكلم
    جليله:شافت لي سميه...كله من بناتك قلبو الدنيا فوقي لوطي 
    راضيه:شن متوقعه منهم غير العار ؟!
    قمر:والله مفي عار بعد يلي اديري فيه في تالفونك
    راضيه:نصدمت...نعم نعم😨
    قمر:زي ما سمعتي 
    صالحه:مش ناقصينننننن عراك ..الله اعلم كيف جو الحاج لما يطلع من مكتبه وعارفين كويس لما يتكنطى من شي شنو بيصير !
    كل وحده لي شغلها كأن مصار شي منبيش نسمع حتى كلمه 
    هدى:وفاء...خودي حوريه وللمطبخ انتي وياها 
    وفاء وحوريه يشوفو لي جيهان وقمر...
    هدى:وفااااء 
    وفاء:به حاضر ...دفت اختها 
    هيا تحركي انتي
    اماني:تتكلم بصدمه...انتي عارفه لو الكلام يلي قاله زيد ع غيث شنو يصير فيااااا!💔
    امينه:اهدي 
    كلنا عارفين ان غيث لازم يحشي حد معاه عشان ميقعدش في المصيبه بروحه 
    اماني:شافت لي قمر بحقد...وربي لو الدوا طلع في منها رح نقتلها ونشرب من دمها 😡
    _____________________
    سميه:شافت لي قمر وجيهان....شنو يلي صاير من وراي؟
    قمر:بنسبه ليا مش صاير شي غيث نكرها مرزن دمه من يومي يمشي بودانه 
    اسألي بنتك يلي تحب وتتمعشق مش انا 
    سُمية : عارفتك نابيدي انتِ خلقتك مش خلقت المواضيع هذي بعدين من لي بيرضى بـ وحدة جالطة زيك .... جيهان نسهري فيك انتِ انا
    جيهان:خذت نفس...ماما والله مفي حاجه منحكيش معاه ولا عندي معاه اي علاقه غير انه ولد عمي وبس
    سُمية : خلينا نرقوا فوق وتوا تبان كل حاجة ...وصبت
    جيهان:معنديش شني نقولك قمر واسكتي مش متحمله شي 
    قمر:معندكش صار؟...كان نفتحلك عبد الحليم حافض توا نلقى عيونك كلها بي اسم زيد 
    جيهان:ضربت قمر بشويه ع يدها 
    قمر:ااااااه يادراه يدي مكسوره ولا نسيتي 
    جيهان:مش كسر مدمدمه بس 
    قمر:ابتسمت...بس ع فكره تجنن اللقطه حسيت روحي في zافلام بين الهنود ناقص غير طلعت انا وباقي العيله وقعدنا نرقصو في الشارع😂😂😂
    جيهان:حطت يدها ع فمها وضحكت 
    قمر:اي هكي فهمت ياحنه
    ______________________________
    الشامخ:ساكت وقدامه غيث 
    غيث:بدي يتكلم بهدوء...من يوم فتحت عيوني في الدنيا كانت قوانينك واضحه 
    الشامخ:تابع يسمع في غيث بدون كلام 
    غيث:ميهمك شي غير انك تحافض على العيله وهدفك الاول ان ولد العم ياخد بنت عمه صح ولا غلط؟
    الشامخ:هز براسه بمعنى تمام 
    غيث:حسب وجهة نضري مفيش مشكله لو زيد خدي جيهان 
    جيهان تكون بنت عمه والاهم ان الزوز ساكنين في القصر وتحت عينك 
    زيد بعد موت اكرام نتوقعه يدير اي شي مجنون ويدمر الدنيا كلها 
    عطيه الشي يلي يبيه عشان نرتاح من وجع الراس
    الشامخ:هكي رايك؟
    غيث:اي وزي العاده نبيك حتى المره هاذي توثق في كلامى 
    الشامخ:الكلام المتعلق بيك يلي حكاه زيد ؟!
    غيث:قلبه يدق ومقدرش ينطق بيلي داخله 
    الشامخ:نسأل فيك!
    غيث:مليشي اي صحه الكلام قمر بنت عمى مهتم بيها زي الباقي 
    الشامخ:يبي يختبره....حلو 
    تمام اقنعتني من جيهة زيد وجيهان بعد ما حكيتلي صح 
    في النهايه صغار عم ومفيش شي يمنع زواجهم 
    معناها قمر زي ما كنت مخطط من الاول وح تكون لمجد 
    غيث:💔
    الشامخ:يتكلم وهوا سارح...زيد وقمر...هاذم اكتر زوز تعبوني في القصر لازم نزوجهم ونرتاح من قصصهم يلي كل يوم توصل فيا 
    وانت مزال فيك الدور لين نرتبو اوضاعنا على قولتك 
    غيث:تمام ...نعتذرلك بنيابه على خوي زيد نفسيته قاعده تاعبه من يلي صار في اكرام 
    الشامخ:يصير خير توا ...كملت اوراق ايه؟
    غيث:بعد بكرا طيارتها 
    الشامخ:حلو حلو
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    بينما كلهم يحكو ويحللو في الاحداث من الضجه يلي صارت قبل شويه ..كندر استغل الفرصه وهرب
    طق طق طق 
    جنى:مقعمزه ع السرير وراسها بين يديها ...ادخل 
    كندر:احلا ادخل نسمعها في الدنيا كلها 
    جنى:ابتسمت...اطلع انا مريضه منبيش نزيد نمرض
    كندر:تمام ...جي بيطلع
    جنى:تي تعالا نبصر😨
    كندر:ابتسم وتلفت....استاحشتيني؟
    جنى:ضحكت وهزت راسها بي استهزاء...شنو تخرف انت
    كندر:اوكي المهم كيف حاسه روحك توا؟
    جنى:الحمد الله شوية صداع بس تو يمشي 
    كندر:امنمم
    جنى:اي بلمناسبه ...ماما حكتلي كيف طلعت بطل و واو وكيف رفعتني للمشفى 
    كندر:غمزلها...حكتلك كيف قمتك بيديا 😉
    وهكي قربتك ليا ونزلت بيك 
    جنى:خدودها حمرر لوحت عليه المخده...نوض اطلع ياسخيف
    كندر:😂😂😂...رجعتي لي طبيعتك 
    كان نحكيلك شنو صار وانتي راقده 
    جنى:ع شنو بتحكي؟
    كندر:بدي يحكيلها ع يلي صار قبل شوي .
    _______________________
    قمر:طلعت من الحوش وفتحت الباب الخارجي ...اهلا
    سماح:له له له له شن صايرلك؟
    قمر:حادث بسيط خشي تو نحكيلك 
    سماح:سلمت ع قمر وخشت هيا وياها 
    في الدروج:-
    قمر:جي الدكتور اليوم؟
    سماح:اي جي جبتلك المحاضره وتسجيلات وكل شي
    قمر:به كويس م.....
    مجد:قمر نبيك شويه 
    سماح:قلبها دق ❤️
    مجد:ركز في سماح....وانتى شن جابك هنايا؟!
    سماح:لسانه ارتبط!
    قمر:صاحبتيهاذي وتكلم بي ادب 
    مجد:دوريني بعدين 
    قمر:منبيش....فتحت باب دارها وخشت هيا وسماح
    جنى:تبصرررر 
    كندر:وربي 
    قمر:ها الله ها الله ها الله ....شنو ياعصفوره؟واخذين راحتكم 
    كندر:وقف ...لو سمحتي بدون الهاء المربوطه انا عصفووووور 
    قمر:😂😂اقلب وجهك تحرك 
    كندر:سماح وحجاتها الملاح ..شن اديري هنايا مش عوايدك تزورينا؟
    قمر:صاحبتي البنت 
    كندر:اهاااا 
    سماح:كيف حالك كندر؟
    كندر:بخير الحمد الله
    قمر:هيااااا..يلا اطلع وقت 
    كندر:تي به وانتي مستعجله....شاف لي جنى 
    متبي شي ؟
    جنى:سلامتك 
    قمر:ياعيني ياعيني
    الكندر:طلع قبل ماتعلق عليه قمر 
    قمر:ضربت جنى ببصاره...هاذا غير مريضه صار 
    جنى:اسكتى يامتع غيث😂
    قمر:بنتتتتتت😨😡
    سماح:الله😃
    قمر:تخرف متعدليش عليها هيا قعمزي
    _____________________
    حوريه:تنشر في الحوايج ع السطح...سمعت باب تسكر قربت تبي تشوف منو واول ما نزلت عيونها 
    شافت شاب مرتب🤤
    لابس بذله رسميه وماسك في يده شنطه وشعره يجنن 
    كان منضره زي رجال الاعمال يلي تشوف فيهم في التلفزيون 
    وقفت حوريه تتفرج عليه وهيا سايحه فيه فجآه قام عيونه وشافها🔥
    حوريه:تجمدت في مكانها ومقدرتش توخر !!!
    الشاب:ابتسملها 
    حوريه:رجعت بسرعه وهيا حاطه يدها ع فمها ...يجنننننن ياربي ابتسملي🙈
    طلع مجد يسلم ع الشاب رحب بيه ودخله
    ______________________
    غيث:سكر الخط وطلع من الحوش لحقاته اماني 
    اماني:غيث غيث استنى 
    غيث:خيرك طالعه؟؟
    اماني:الكلام يلي حكاه زيد شنو؟
    غيث:خشي داخل في ولاد جايين ....عطاه بضهر
    اماني:مسكاته من يده...مش رح نخش لين تجاوبني
    غيث:شاف لي يدها بنضره تخوف 
    اماني:نزلت يدها وهيا متوتره ....جاوبني ؟
    غيث:كلام فروخ هاذا مليشي اي اساس من الصحه 
    وحطي في راسك انا مش متع المواضيع هاذي لا معاك ولا مع غيرك وتوا اقلبي وجهك داخل
    اماني:ابتسمت ....حاضر
    وخشت داخل وهيا مرتاحه .
    غيث:فتح الباب....مش رح نحاسبك ع اللقطات العيله يلي درتها توا خش 
    صوتك داخل منبيش نسمعه جاييني شباب من المعرض اول ما يروحو ليا تصرف معاك 
    زيد:به😁
    غيث:شافله ع جنب ...بسرعه تحرك منبيش مشاكل !ورجع للمربوعه
    __________________________
    اريام:ماشيه جايه ع الممر ويدها على بطنها 
    اااه يارب اااااااه يارب سهل عليا ااااه 
    عز الدين:خيرك لا باس؟
    اريام:اااااه معش قادره ...بنولد حاسه روحي خلاص 
    عز الدين:به شنو ندير؟ نطلعك ولا شنو
    اريام:جيبلي عبايتي ...ااااااه خلاص معش قادره بسرعه 
    عز الدين:خدي عباية اريام ساعدها تلبسها وطلع هوا وياها
    🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
    🔥أَروى الطــَـــاهـــــِرْ المــــســـلاتـــــــــي🔥
    غيث:وقع كم ورقه وعطاهم لي الشاب يلي شافاته حوريه...تمام هكى؟
    عمر:اي تم استاذ غيث 
    بي اذن الله البضاعه تكون عندك يوم الاحد 
    غيث:تمام منور وان شاء الله مش رح يكون اخر تعامل بينا 
    عمر:ان شاء الله...سكر الشنطه...يالله نستأذن منكم 
    سلام 
    غيث:سلام 
    طلع مجد يوصل فيه برا 
    اما غيث كان تاااعب ومرهق من داخل ولع دخانه ودماغه سااااارح🔥
    كندر:خيرك سارح من مبارح؟
    غيث:انتبه عليه....ولا شي. ضغط خدمه 
    كندر:اممم الموهيم نبيك
    غيث:نفخ الدخان...شنو 
    كندر:جدي والع مني وانت تزبط 
    نبي 30دينار ع السريع 
    غيث:طلع فلوس عطاهوله وكمل دخانه 
    كندر:وقف...منور وان شاء الله تاخد قمر...وطلع يجري
    غيث:🤦🏻🤦🏻
    ________________________
    الساعه8ونص في الليل:-
    وصل خبر للقصر ان اريام جابت ولد
    والخبر هاذا شبه خلا العيله كلها تنسى يلي صار اليوم ويلي سمعوه
    طلعت سميه وجهان 
    وفاء وحوريه واماني وامينه وامهاتهم وصالحه للمشفى عشان يزورو اريام ..اما راضيه وجليله قعدو في حياشهم 
    وطبعا الشامخ كان اول واحد ماشي
    __________________
    وصلو للمصحه وكانت الدار مزينه بي البالونات وشكلاته وعصير ...خشو كلهم قعدو يتحمدولها بي السلامه ويهدرزو 
    جيهان:شافت للمسج يلي وصلها 
    زيد:هيا امتى بتروحي استاحشتك الزح من الصبح مريتكش
    جيهان:شافت للموجودين بتوتر وردت عليه...ارتحت بعد الفضيحه يلي درتها؟
    زيد:شن رايك؟!اعتراف بحبي ليك بنكهة المشاكل 😂
    جيهان:ضحكت ومعش بعتتله شي 
    زيد:نراجي فيك اليوم ره
    جيهان:يصير خير 
    زيد:❤️
    ______________________
    جنى:خدت اميه وطلعت تسقي في الوردات 
    شافها غيث وعرف ان قمر بروحها فوق ...غسل وجها وركبلها
    طق طق طق 
    قمر:من وين جاك الادب اطقط ع الباب 
    غيث:فتح الباب وخش.
    قمر:هوا انت😒
    غيث:سكر الباب وقرب منها ...كيف حال يدك!؟
    قمر:الحمد الله احسن 
    غيث:شن اديري ؟!
    قمر:ناضت من ع الكرسي تتكلم وهيا عاطياته بضهر تسكر في الروشن...ولا شي جتني سماح 
    غيث:قرب منها من الخلف بدون ما تنتبه 
    قمر:عطتني المحاضره واهو نقرا فيها 
    غيث:حلو حلو 
    قمر:تلفتت ...تشوفله وساكته
    غيث:زاد قرب وقمر توخر...شن رايك في يلي صار اليوم؟!
    قمر:ماسكه يدها يلي توجع فيها...حلو يلي داره زيد وقف قدام جده مش زيك تهز في راسك وخلاص 
    غيث:وعلاش بنوقف في طريق جدي ؟!
    مدام اني ناوي ناخذ اماني من البدايه؟
    قمر:سكتت شويه....بطل انك تلعبلي بي اعصابي غيث 
    غيث:يشوف لي عيونها وزاد قرب...مأثر فيك انا؟
    قمر:ساكته 
    غيث:حط يده على خدها وقرب منها كأنه بيبوسها لكن مدارهاش !!!....اكتفى انه يحكي بس 
    غيث:حتى لو انا متكلمتش انتي عارفه كويس عيوني شنو يقولو!
    قمر:تشوف لي عيونه ...بس انت طلعت جبان!
    جبان ومقدرتش تفتح فمك بحرف قدامهم!!
    غيث:ضغط عليها وقربها ليه❤️...منقدررررررش 
    منقدرش نعترف ولا نقوووول شي لين نرتب اموري افهمى لو حد عرف بشي يلي في داخلي بيبعدوك من عليا وانتى بديتي زي الادمان مش طايق مكان انتي مش فيه افهمممي....يتبع
    تحميل رواية عائله من جهنم الحلقه الثالثة عشر كاملة من هنا 

    إرسال تعليق